Liber Psalmorum, 92
1. laus cantici David in die ante sabbatum quando inhabitata est terra Dominus regnavit decore indutus est indutus est Dominus fortitudine et præcinxit se etenim firmavit orbem terræ qui non commovebitur
2. parata sedis tua ex tunc a sæculo tu es
3. elevaverunt flumina Domine elevaverunt flumina vocem suam elevabunt flumina fluctus suos
4. a vocibus aquarum multarum mirabiles elationes maris mirabilis in altis Dominus
5. testimonia tua credibilia facta sunt nimis domum tuam decet sanctitudo Domine in longitudine dierum